10.04.2026 | 12:10
«ՀայաՔվե»-ն և «Միասնության թևեր»-ը դադարեցրին համագործակցությունը // Էստոնիան ՀՀ-ում դեսպանատուն ունի․ ԼՈՒՐԵՐ
Բլինքենը բանակցություններ է անցկացրել Նեթանյահուի հետ
Քաղաքականություն
07.02.2024 | 17:56
ԱՄՆ պետքարտուղար Էնթոնի Բլինքենի և Իսրայելի վարչապետ Բենիամին Նեթանյահուի հանդիպումն այսօր տեղի է ունեցել տեղական ժամանակով 11:50-ին Թել Ավիվում, այն տևել է մոտ մեկ ժամ։ Այս մասին հայտնել են լրագրողները, որոնք ճանապարհորդում են ԱՄՆ պետքարտուղարի հետ, փոխանցում է CNN-ը։
Նշվում է, որ «երկար և խորը հանդիպմանը» հաջորդել է ընդլայնված կազմով հանդիպում Իսրայելի պաշտպանության նախարարի, ինչպես նաև անվտանգության և հետախուզության ղեկավարների մասնակցությամբ։ Հանդիպումը փակ է եղել լրատվամիջոցների համար։
Բլինքենն Իսրայելում է՝ հանդիպումներ անցկացնելու կառավարության հիմնական պաշտոնյաների հետ՝ առաջ մղելու «մարդասիրական դադարը», մինչ ԱՄՆ-ի և միջազգային ճնշումը Գազայում հակամարտությունը դադարեցնելու համար շարունակում է աճել:
Սպասվում է, որ ԱՄՆ պետքարտուղարն այցելելու է նաև Հորդանան գետի Արևմտյան ափ։
