23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
«Շահավետ» գնում. քաղաքապետարանը 2 հազար դոլար է վճարել ապրանքի համար, որի շուկայական գինը 10 անգամ ցածր է. ՏԵՍԱՆՅՈՒԹ
Քաղաքականություն
05.02.2024 | 20:17
Երևանի քաղաքապետարանը Երևանյան լճի ափամերձ տարածքում հեծանիվների կայանատեղի է տեղադրել։ Մետաղական այս կառուցվածքը քաղաքապետարանը ձեռք է բերել 797 հազար դրամով։ Ակտիվիստ Արթուր Չախոյանն էր ահազանգել, որ գնման փաստաթղթում ուշագրավ թվեր կան։
Իրականում որքան է այսպիսի մետաղական կառուցվածքի շուկայական գինը․ հարցի պատասխանը պարզելու համար Factor TV-ն դիմել է նման աշխատանքներ իրականացնող անհատների և կազմակերպությունների։ Մեզ առաջարկվում էր քաղաքապետարանի գնման համեմատ 6-ից 15 անգամ ցածր գին։
Երևանի քաղաքապետարանի Շինարարության և բարեկարգման վարչության պետի պաշտոնակատար Տիգրան Գեղամյանից հետաքրքրվեցինք՝ ինչպես է այդպես ստացվել։ Ըստ նրա՝ 2021-ին Երևանյան լճի առափնյա տարածքի բարեկարգման գոտու նախագիծն ու նախահաշիվն անցել են փորձաքննություն, որի ժամանակ էլ հաստատվել է՝ արժեքները համապատասխան են «Գնումների մասին» օրենքով սահմանված կարգին։
Factor TV-ն դեռ անցած տարի նոյեմբերին գրել էր, որ քաղաքապետարանը մրցույթ պետք է հայտարարի Երևանյան լճի մյուս ափի բարեկարգման աշխատանքները սկսելու համար։ Շինարարության և բարեկարգման վարչության պետի պաշտոնակատարի խոսքով՝ մրցույթ դեռևս չի հայտարարվել, բայց աշխատանքներն այդ ուղղությամբ ընթանում են։
Մանրամասները՝ տեսանյութում։
Անի Թամրազյան
