30.05.2026 | 10:10
Տապալված ծառեր, պոկված թիթեղներ․ քամու հետևանքները Երևանում և մարզերում
Թուրքիան համաձայնել է Եգիպտոսին ԱԹՍ-ներ վաճառել
Քաղաքականություն
05.02.2024 | 20:39
Թուրքիան համաձայնել է Եգիպտոսին անօդաչու սարքեր վաճառել, այս մասին հայտարարել է Թուրքիայի արտգործնախարար Հաքան Ֆիդանը, գրում է Reuters-ը։
Թուրքիայի նախագահ Էրդողանը պատրաստվում է փետրվարի 14-ին մեկնել Եգիպտոս՝ հանդիպելու իր գործընկեր Աբդել Ֆաթահ աս-Սիսիին։ Սա Էրդողանի առաջին այցն է այն բանից հետո, երբ Անկարան և Կահիրեն բարելավել են հարաբերությունները՝ անցյալ տարի դեսպաններ նշանակելով: Երկու երկրների հարաբերություններն արդեն 1 տասնամյակ սառեցված էին։
Ֆիդանը A-Haber-ին տված հարցազրույցում ասել է, որ Էրդողանը Սիսիի հետ քննարկելու է երկկողմ և տարածաշրջանային հարցեր, ներառյալ՝ առևտուրը, էներգետիկան և անվտանգությունը:
«Մեր հարաբերությունների կարգավորումը Եգիպտոսի համար կարևոր է՝ որոշակի տեխնոլոգիաներ մատակարարելու համար։ Մենք համաձայնություն ունենք անօդաչու սարքեր և այլ տեխնոլոգիաներ մատակարարելկու մասին»,- ասել է Հաքան Ֆիդանը՝ այլ մանրամասներ չներկայացնելով։
