07.10.2026 | 15:01
«Էրեբունի-Երևան 2808»-ի միջոցառումներով պայմանավորված մի շարք փողոցներ կփակվեն
ՌԴ-ն մեկ տարվա ընթացքում ԱՄՆ-ից ու Եվրոպայից 1,7 մլրդ դոլարի չիպեր է ստացել․ Bloomberg
Քաղաքականություն
26.01.2024 | 20:59
Չնայած սահմանափակումներին, որոնք կոչված են թույլ չտալու ռուս զինվորականներին տեխնոլոգիաներ ձեռք բերել Ուկրաինայում պատերազմ մղելու համար, ՌԴ-ն անցյալ տարի ներմուծել է ավելի քան 1 միլիարդ դոլար արժողությամբ ամերիկյան և եվրոպական առաջադեմ չիպեր։ Այս մասին հայտնում է Bloomberg-ը՝ վկայակոչելով ռուսական մաքսային գաղտնի տվյալները, գրում է DW-ի ռուսական ծառայությունը։
Գործակալությունը պարզել է, որ ներմուծված միկրոսխեմաները, որոնք կարող են օգտագործվել ռազմական տեխնիկայի արտադրության համար, այդ թվում՝ տանկերի ու հրթիռների, արտադրվել են ամերիկյան Intel Corp, Advanced Micro Devices (AMD) և Analog Devices Inc., ինչպես նաև Եվրոպական Infineon Technologies AG, STMicroelectronics NV և NXP Semiconductors NV ընկերությունների կողմից։
Նշվում է, որ Ռուսաստանի կողմից գնված չիպեր արտադրողների թվում են մի քանի չինական ընկերություններ, ինչպես նաև թայվանական Realtek Semiconductor-ը։
Bloomberg-ը հայտնում է, որ ոչ մի ապացույց չկա, որ այս բոլոր ընկերությունները խախտել են պատժամիջոցների որոշումները և տեխնոլոգիաներ են արտահանել Ռուսաստան։ Լրատվամիջոցը հիշեցնում է, որ պատժամիջոցային տեխնոլոգիաների մեծ մասը Ռուսաստան է հասնում երրորդ երկրների միջոցով, այդ թվում՝ Չինաստանի, Թուրքիայի և ԱՄԷ-ի:
Ամերիկյան ու եվրոպական ընկերությունները, որոնց արտադրանքը Ռուսաստան է հասել, հայտարարել են, որ ամբողջովին պահպանում են պատժամիջոցների պահանջները և դադարեցրել են ՌԴ-ում գործունեությունը 2022 թվականի փետրվարին Ուկրաինա ռուսական զորքերի ներխուժումից հետո։
Էմմա Չոբանյան
