12.01.2025 | 13:05
Արտարժույթների փոխարժեքները՝ հունվարի 12-ի դրությամբ
Թիմային աշխատանքով նոր մարզպետը կկարողանա ավելին իրականացնել․ Արմավիրի նախկին մարզպետ
Քաղաքականություն
18.01.2024 | 18:50
ՀՀ ՏԿԵ նախարար Գնել Սանոսյանն այսօր Արմավիրի մարզպետի աշխատակազմին է ներկայացրել նորանշանակ մարզպետ Դավիթ Խուդաթյանին։ Այս մասին տեղեկացրին ՏԿԵ նախարարությունից։
«Նախարարը նախ շնորհակալություն է հայտնել Էդվարդ Հովհաննիսյանին կատարած աշխատանքի համար և նշել է, որ 2022-2023 թվականների ընթացքում մարզը բավական լավ ցուցանիշներ է գրանցել և մեծ ծավալի աշխատանք է կատարվել։
Սանոսյանը շնորհավորել է Դավիթ Խուդաթյանին մարզպետի պաշտոնը ստանձնելու կապակցությամբ և մաղթել արգասաբեր աշխատանք։ Նախարարը վստահություն է հայտնել, որ Խուդաթյանը կկարողանա արագ ինտեգրվել աշխատանքին, քանի որ մարզը լավ գիտի, ծանոթ է մարզի առանձնահատկություններին։
Էդվարդ Հովհաննիսյանն իր հերթին շնորհակալություն է հայտնել աշխատակազմին համատեղ արդյունավետ աշխատանքի համար և նշել, որ 2022-23 թվականներն արդյունավետ են եղել բազմաթիվ ծրագրերի իրականացման հարցում․«Պատիվ եմ համարում երկու տարի իմ մարզին ծառայելը»,- ասել է Հովհաննիսյանը՝ վստահություն հայտնելով որ առկա թիմով, թիմային աշխատանքով նոր մարզպետը կկարողանա ավելին իրականացնել։
Դավիթ Խուդաթյանն էլ շնորհակալություն է հայտնել վստահության համար և նշել, որ կարվի առավելագույնը` մարզի խնդիրները լուծելու ուղղությամբ»,- ասված է հաղորդագրության մեջ։
Հիշեցնենք` Արմավիրի մարզպետ Էդվարդ Հովհաննիսյանին պաշտոնանկ էր արվել Փաշինյանի՝ մարզ կատարած աշխատանքային այցից հետո։
