03.06.2026 | 11:10
Կարսում Հայաստանի ու Թուրքիայի գործարար շրջանակների հանդիպում է տեղի ունեցել
ՀՀ նախագահն ու IFAD-ի նախագահը քննարկել են ՀՀ-ում փոքր ֆերմերային տնտեսությունների գործունեության ընդլայնման հնարավորությունները
Քաղաքականություն
17.01.2024 | 20:49
Դավոսի տնտեսական համաժողովի ընթացքում նախագահ Վահագն Խաչատուրյանը հանդիպել է Գյուղատնտեսության զարգացման միջազգային հիմնադրամի (IFAD) նախագահ Ալվարո Լարիոյի հետ: Այս մասին տեղեկացրին նախագահի աշխատակազմից։
Հանդիպման ընթացքում երկուստեք բարձր է գնահատվել Հայաստանի Հանրապետության և Հիմնադրամի միջև տասնամյակների արդյունավետ համագործակցությունը:
Զրուցակիցները քննարկել են Հայաստանում փոքր ֆերմերային տնտեսությունների գործունեության ընդլայնման ու զարգացման հնարավորությունները: Երկուստեք կարևորվել են բարձր տեխնոլոգիական գյուղատնտեսության ներդրմանն ուղղված ջանքերն ու ոլորտում նորարար ծրագրերի ներդրումը:
Հանդիպմանը մտքեր են փոխանակվել նաև գյուղատնտեսության ապահովագրման համակարգի հաստատման և վերջինիս կիրառման ընդլայնման վերաբերյալ:
Հանդիպման ավարտին պայմանավորվածություն է ձեռք բերվել ջանքեր ներդնել հետագա համագործակցության ամրապնդման և առաջմղման ուղղությամբ:
