15.09.2026 | 17:33
Աջակցում ենք ՀՀ-ի հետ խաղաղությանը․ Հաքան Ֆիդանը՝ Բաքվում
Կայացել է Հայաստանի շախմատի տղամարդկանց և կանանց առաջնությունների բացման արարողությունը
12.01.2024 | 12:45
Հունվարի 11-ին Տիգրան Պետրոսյանի անվան շախմատի տուն-մարզադպրոցում կայացել է Հայաստանի շախմատի տղամարդկանց 84-րդ և կանանց 79-րդ բարձրագույն խմբերի առաջնությունների բացման արարողությունը․ տեղեկացնում են ՀՀ ԿԳՄՍՆ-ից։
Մասնակիցներին ողջունել և հաջող մրցապայքար են մաղթել Հայաստանի շախմատի ֆեդերացիայի առաջին փոխնախագահ, գրոսմայստեր Սմբատ Լպուտյանը և առաջնությունների գլխավոր մրցավար Աշոտ Վարդապետյանը:
Առաջին խաղը կմեկնարկի հունվարի 12-ին՝ ժամը 15:00-ին:
Հայաստանի տղամարդկանց և կանանց չեմպիոնները 2024 թվականին կընդգրկվեն Հայաստանի ազգային հավաքականի կազմում:
Տղամարդկանց առաջնությանը կմասնակցեն միջազգային գրոսմայստերներ Սամվել Տեր-Սահակյանը, Մանուել Պետրոսյանը, Ռոբերտ Հովհաննիսյանը, Զավեն Անդրիասյանը, Տիգրան Հարությունյանը, Մամիկոն Ղարիբյանը, միջազգային վարպետ Արթուր Դավթյանը, ՖԻԴԵ-ի վարպետներ Ռոբերտ Փիլիպոսյանը և Էրիկ Չաքարյանը, ինչպես նաև Դավիթ Տիրատուրյանը:
Կանանց առաջնությանը կմասնակցեն գրոմայստեր Մարիա Գևորգյանը, կանանց միջազգային վարպետ Սուսաննա Գաբոյանը, ՖԻԴԵ-ի վարպետներ Արփինե Գևորգյանը, Աննա Խաչատրյանը, Մարիամ Ավետիսյանը, ինչպես նաև Պոլինա Կոբակը, Միլենա Գասպարյանը, Մելինե Հարությունյանը, Ալվարդ Ստեփանյանը և Մարիամ Խաչատրյանը:
Առաջնության շրջանակում կանցկացվի 9 տուր՝ առանց հանգստյան օրերի: Առաջնությունը կտևի մինչև հունվարի 21-ը:
