Քաղաքականություն
12.01.2024 | 11:42
ՀՀ ԱԳ նախարար Արարատ Միրզոյանը X-ի միկրոբլոգում արված գրառմամբ շնորհակալություն է հայտնել Ֆրանսիայի արդեն նախկին ԱԳ նախարար Կատրին Կոլոննային։
«Թանկագին տիկին Կոլոննա,
Իմ անկեղծ երախտագիտությունն եմ հայտնում Ձեզ՝ բարեկամության և գերազանց համագործակցության համար, որը մենք հաստատել ենք Հայաստանի համար առանձնակի դժվարին ժամանակաշրջանում, ինչպես նաև՝ մեր տարածաշրջանում արդար և կայուն խաղաղության հասնելու Ձեր շարունակական ջանքերի համար»։
Հիշեցնենք, որ Ֆրանսիայի նորանշանակ վարչապետ Գաբրիել Աթալը փոփոխություններ է անում կառավարության կազմում․ Կատրին Կոլոննան ազատվել է ԱԳ նախարարի պաշտոնից, նրա փոխարեն նշանակվել է Ստեֆան Սեժուրնեն։
Անահիտ Խաչատրյան
