12.08.2026 | 18:01
1,2 մլրդ դրամի թմրամիջոցների մաքսանենգության գործով 3 անձ կալանավորվել է. ՔԿ
Ալիևը հայտարարել է, որ եթե «Զանգեզուրի միջանցքը» չբացվի, Ադրբեջանը Հայաստանի հետ որևէ այլ վայրում սահմանը չի բացի
Քաղաքականություն
10.01.2024 | 22:05
Ադրբեջանի նախագահ Իլհամ Ալիևը նշել է Հայաստանի հետ սահմանի բացման պայմանները՝ սպառնալով, որ եթե, այսպես կոչված, «Զանգեզուրի միջանցքը» չբացվի, Բաքուն Հայաստանի հետ սահմանը չի բացի որևէ այլ վայրում։
Ըստ նրա՝ «Ադրբեջանից Ադրբեջան (Հայաստանով դեպի Նախիջևան – խմբ․) մարդիկ և բեռները պետք է անցնեն առանց որևէ ստուգման», հակառակ դեպքում՝ Հայաստանն ընդմիշտ փակուղային կմնա»:
«Եթե իմ նշած երթուղին («Զանգեզուրի միջանցքը» – խմբ․) չբացվի, մենք մտադիր չենք Հայաստանի հետ սահմանը բացել որևէ այլ վայրում։ Այսինքն՝ այդպիսով նրանք դրանից ավելի շատ վնաս կստանան, քան օգուտ»,- հայտարարել է Ալիևը ադրբեջանական հեռուստաալիքներին տված հարցազրույցում։
