06.10.2026 | 21:16
Ավանեսյանը այցելել է Շաքիում վիրավորված Անի Ավետիսյանի ընտանիքին
Ճապոնիայում երկրաշարժերի հետևանքով մարդկային կորուստների թիվը հասել է 126-ի
07.01.2024 | 10:55
Ճապոնիայի արևմտյան ափը ցնցած երկրաշարժերի զոհերի թիվը շաբաթ օրը հասել է 126-ի: Ավելի քան 200 մարդ անհայտ կորած է, շուրջ 500 անձ՝ վիրավոր, որոնցից առնվազն 27-ի վիճակը՝ ծանր։ Այս մասին հայտնում է Euronews-ը։
Ճապոնիայի կենտրոնում գտնվող Վաջիմա քաղաքում գրանցվել է մահվան ամենաբարձր թիվը (69 մահ), որին հաջորդում է Սուզու քաղաքը (38 մահ):
Պաշտոնյաները նախազգուշացրել են, որ ճանապարհները, որոնք արդեն ճաքել են տասնյակ երկրաշարժերից և հետցնցումներից, կարող են ամբողջությամբ փլուզվել հանգստյան օրերին սպասվող անձրևի և ձյան աճի պատճառով:
Հիշեցնենք, որ հունվարի 1-ին Ճապոնիայի արևմտյան հատվածում, 5 րոպե տարբերությամբ, երկու հզոր երկրաշարժեր են տեղի ունեցել։
