16.01.2026 | 18:16
«Ռոսատոմ»-ի ձեռնարկության տնօրենը ձերբակալվել է՝ Ուկրաինայի զինված ուժերին ֆինանսավորելու կասկածանքով
Ճապոնիայում հզոր երկրաշարժեր են գրանցվել․ ցունամիի վտանգ է հայտարարվել․ ՏԵՍԱՆՅՈՒԹ
Քաղաքականություն
01.01.2024 | 13:29
Ճապոնիայի արևմուտքում՝ Իսիկավա պրեֆեկտուրայում, հինգ րոպեից պակաս տարբերությամբ երկու հզոր երկրաշարժ է տեղի ունեցել, հաղորդում է երկրի Գլխավոր օդերևութաբանական գործակալությունը։
Երկուշաբթի կեսօրին Ճապոնիայի արևմտյան հատվածում հզոր երկրաշարժեր են տեղի ունեցել։ 5,7 մագնիտուդով առաջին ցնցումները գրանցվել են տեղական ժամանակով 16.06-ին: Երկրորդը՝ ավելի հզոր ուժգնությամբ, ժամը 16.10-ին։
Հայտարարվել է ցունամիի վտանգ։ Ուժեղ ցնցումներ են զգացվել Օսակայում, Կիոտոյում և Տոկիոյում։ Արագընթաց գնացքների շարժը դադարեցվել է։ Զոհերի կամ ավերածությունների մասին տեղեկություններ դեռ չկան։
Իշիկավա պրեֆեկտուրայում տեղի ունեցած մի շարք հզոր երկրաշարժերից հետո Ճապոնիայի վարչապետ Ֆումիո Կիշիդայի գրասենյակին առընթեր ստեղծվել է տեղեկատվության հավաքագրման և վերլուծության արտակարգ շտաբ, որի հետևանքները վերացնելու և մարդկանց փրկելու համար կառավարության ղեկավարը կարգադրել է բոլոր միջոցները, փոխանցում է ՌԻԱ Նովոստին։
Գործակալության տվյալներով՝ կառավարությանը, մասնավորապես, հանձնարարվել է աշխատել տեղական վարչակազմերի հետ՝ երկրաշարժերի շարքից հետո անհրաժեշտ հրատապ միջոցների ապահովման համար։
Pray for #Japan 🙏 #tsunami pic.twitter.com/6oT0RCXo2c
— Param|PCS 🇮🇳 (@FunMauji) January 1, 2024
