22.06.2026 | 18:48
Հայտնաբերվել է 410 ոչ սթափ վարորդ․ պարեկների անցած շաբաթվա ծառայության արդյունքները
Լարսը ժամանակավորապես փակ է մեծ բեռնատարների համար
04.01.2024 | 11:11
Վրաստանի տարածքում եղանակային պայմանների վատթարացման պատճառով Ռազմավիրական ճանապարհը ժամանակավորապես փակվել է մեծ բեռնատարների համար: Այդ մասին «Արմենպրես»-ը տեղեկանում է Հյուսիսային Օսիայի արտակարգ իրավիճակների նախարարության գլխավոր վարչության մամուլի ծառայությունից։
«Վրաստանի տարածքում եղանակային պայմանների վատթարացման և ավտոտրանսպորտային միջոցների անվտանգ անցումն ապահովելու անհնարինության պատճառով, ինչպես նաև հաշվի առնելով Վրաստանի սահմանային ոստիկանության հանձնարարականները՝ 2024 թ. հունվարի 4-ի Մոսկվայի ժամանակով ժամը 07.30-ից արգելվում է մեծ բեռնատար ավտոտրանսպորտային միջոցների երթևեկությունը Վլադիկավկազ քաղաք-Լարս բնակավայր տեղամասում՝ Ռուսաստանի Դաշնությունից ելքի ուղղությամբ, մինչև հատուկ կարգադրություն կարվի», – ասվում է հաղորդագրության մեջ։
Ռազմավիրական ճանապարհը ներկայումս Վրաստանն ու Հայաստանը Ռուսաստանի հետ կապող միակ ցամաքային ճանապարհն է։
