15.09.2026 | 13:33
Վաշինգտոնում հայկական բրենդիի համտեսի երեկո է անցկացվել
Պապիկյանը սրտի զարկը վերականգնված Նարեկ Պողոսյանին Արիության մեդալ է հանձնել
Քաղաքականություն
27.12.2023 | 19:23
Դեկտեմբերի 27-ին ՀՀ պաշտպանության նախարար Սուրեն Պապիկյանը հյուրընկալել է 2023 թվականի սեպտեմբերի 1-ին Սոթքի ուղղությամբ ծանր վիրավորում ստացած զինվոր Նարեկ Պողոսյանին։ Այս մասին տեղեկացրին ՀՀ ՊՆ-ից։
ՀՀ պաշտպանական գերատեսչության ղեկավարը հետաքրքրվել է այս պահին «Զինվորի տուն» վերականգնողական կենտրոնում ինտենսիվ բուժում ստացող Նարեկի առողջական վիճակով և բուժման ընթացքով, մաղթել շուտափույթ ապաքինում։
Նախարար Պապիկյանը բարձր է գնահատել նրա արարքը հայրենիքի սահմանների պաշտպանության գործում և հանձնել պետական պարգևը՝ Արիության մեդալը։
Հիշեցնենք, որ 2023-ի սեպտեմբերի 1-ի ագրեսիայի հետևանքով հայկական կողմը 3 զոհ տվեց: Նախապես հայտարարվել էր 4 կորստի մասին․ Նարեկ Պողոսյանի անունը ևս սկզբում ներառվել էր զոհվածների ցանկում: Նույն օրը, սակայն, ՊՆ-ից հայտնեցին, որ զինվորի սրտի զարկը վերականգնվել է։
