Բաքուն դարձյալ երկկողմ ձևաչափով բանակցելու կոչ է անում

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

Ադրբեջանի ԱԳ նախարար Ջեյհուն Բայրամովը  Բրյուսելում նախօրեին մասնակցել է Արևելյան գործընկերության երկրների արտգործնախարարների հանդիպմանը։ Բաքվին շարունակում է մտահոգել ՀՀ-ում տեղակայված ԵՄ քաղաքացիական դիտորդական առաքելությունը, ինչպես նաև Հայաստանի պաշտպանական կարողությունների ընդլայնումը։

«Ինչ վերաբերում է Հայաստանում ԵՄ դիտորդական առաքելությանը՝ նախնական խոստումները չեն կատարվել, համաձայնությունը  խախտվել է,  մանդատը կամայականորեն ընդլայնվել է։ Այս առաքելությունը չկարողացավ հասնել իր հայտարարած նպատակներին՝ նպաստելու տարածաշրջանային կայունությանը և վստահության ամրապնդմանը Հայաստանի և Ադրբեջանի միջև։ Ընդհակառակը, այն լայնորեն օգտագործվում է որպես Ադրբեջանի դեմ քարոզչական գործիք։ Առաջ են քաշվում  իրավիճակը ավելի ապակայունացնող նախաձեռնություններ, ինչպիսին է Հայաստանի սպառազինումը, այդ թվում՝ ԵՄ միջոցով։ Նման նախաձեռնությունները խարխլում են ԵՄ-ի՝ որպես չեզոք միջնորդի հեղինակությունը և ընդհանրապես Հայաստանի և Ադրբեջանի միջև հարաբերությունները կարգավորելու ջանքերը։ Մի գործընկերոջը զինելը կամ այլ կերպ օգտագործելը մյուսի դեմ ոչ մի կերպ չի կարող համապատասխանել Արևելյան գործընկերության հայտարարված նպատակներին»,- հայտարարել է Բայրամովը՝ շեշտելով, թե Բաքուն բացահայտ արտահայտել է իր մտահոգությունը ԵՄ անդամ մի շարք երկրների քայլերի նկատմամբ։

«Ես ևս մեկ անգամ կոչ եմ անում բոլոր շահագրգիռ կողմերին չխաթարել Ադրբեջանի և Հայաստանի միջև հարաբերությունների կարգավորումը։ Մենք բոլորս միասին, հենվելով եվրոպական փորձի վրա, պետք է ձգտենք Հարավային Կովկասը հակամարտության գոտուց վերածել համագործակցության հարթակի»,-ասել է նա։

«Մենք վերահաստատում ենք Հայաստանին արված առաջարկը՝ հավասար և արդար խաղաղության հասնելու համար և կոչ ենք անում աշխատել երկկողմ հիմունքներով կամ ինչ-որ անաչառ և չեզոք երրորդ կողմի միջնորդությամբ: Հայաստանից ակնկալում ենք փոխադարձ անկեղծ նվիրում։ Խաղաղության և բարիդրացիության հարաբերությունների օգուտները չպետք է զոհաբերվեն ինչ-որ անհեռատես աշխարհաքաղաքական մանիպուլյացիաների»։

Հիշեցնենք, որ Բաքուն մինչ այս հրաժարվել է Հայաստանի հետ արևմտյան հարթակներում խաղաղության բանակցություններից՝ մերժելով  Գրանադայում, Բրյուսելում ու Վաշինգտոնում հանդիպումներին մասնակցությունը։