15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
Բայդենը Զելենսկիին հրավիրել է Սպիտակ տուն
Քաղաքականություն
11.12.2023 | 11:30
ԱՄՆ նախագահ Ջո Բայդենն իր ուկրաինացի գործընկեր Վլադիմիր Զելենսկիին հրավիրել է դեկտեմբերի 12-ին Սպիտակ տանը հանդիպման։ Այս մասին հայտարարել է Սպիտակ տան մամուլի քարտուղար Կարին Ժան Պիերը, փոխանցում է DW-ի ռուսական ծառայությունը։
Հանդիպման ընթացքում ամերիկացի առաջնորդը կհայտարարի ԱՄՆ-ի «անդրդվելի հանձնառությունը աջակցել Ուկրաինայի ժողովրդին, որը պաշտպանվում է ռուսական ներխուժումից», ասվում է հայտարարության մեջ: Բայդենն ու Զելենսկին կքննարկեն Ուկրաինայի հրատապ կարիքները, քանի որ ռուսական հարձակումներն ուժեղանում են։
Ուկրաինայի նախագահի գրասենյակի փոխանցմամբ՝ Զելենսկին աշխատանքային այցով ԱՄՆ կմեկնի դեկտեմբերի 11-ին։ Վաշինգտոնում քննարկման առանցքային թեմաները կլինեն Ուկրաինայի և ԱՄՆ-ի հետագա պաշտպանական համագործակցությունը, մասնավորապես, զենքի և հակաօդային պաշտպանության համակարգերի արտադրության համատեղ նախագծերը, ինչպես նաև 2024 թվականին երկրների միջև ջանքերի համակարգումը։
