10.04.2026 | 11:05
«Հայաստան» համահայկական հիմնադրամի բիտումի գնման գործով վերականգնվել է 111.9 մլն դրամ
Իսրայելի պաշտպանության բանակը մեկ օրում հարվածներ է հասցրել Գազայի հատվածի գրեթե 250 թիրախների
Քաղաքականություն
06.12.2023 | 16:06
Իսրայելի պաշտպանության բանակը մեկ օրում հարվածներ է հասցրել Գազայի հատվածի գրեթե 250 թիրախների։ BBC-ի ռուսական ծառայության փոխանցմամբ՝ այս մասին ասված է Իսրայելի պաշտպանության բանակի Telegram-ալիքում հրապարակված հայտարարության մեջ։
Դրանում նշվում է նաև, որ իսրայելական բանակը հարվածել է «Գազայի հատվածի հյուսիսում գտնվող դպրոցի մոտ գործող զինված ահաբեկչական բջիջին», հյուսիսում գտնվող մեկ այլ դպրոցում էլ զենք և զինամթերք է հայտնաբերվել:
Հավելենք, որ երեկ Իսրայելի պաշտպանության բանակը ռմբակոծել է Գազայի հատվածի հարավի գլխավոր քաղաքը՝ հայտարարելով, որ Գազայում ցամաքային ներխուժում սկսելուց ի վեր ամենակատաղի մարտերն են մղվել։
«Մենք ցամաքային գործողության մեկնարկից ի վեր ամենալարված օրն ենք անցկացրել»,- հայտարարել է Իսրայելի բանակի գեներալ Յարոն Ֆինկելմանը։
Պաղեստինյան ՀԱՄԱՍ արմատական շարժման ռազմական թևը նույնպես հայտնել է իսրայելցիների դեմ կատաղի մարտեր մղելու մասին։
Միևնույն ժամանակ, ԱՄՆ-ը կրկին կոչ է արել ամեն ինչ անել՝ նվազեցնելու խաղաղ բնակչության շրջանում զոհերի թիվը։
