08.10.2026 | 14:21
Չեմ բացառում գերիների հետ փոխանակման տարբերակը, բայց վաղ է այդ մասին խոսելը. ՔՊ-ական պատգամավոր․ ՏԵՍԱՆՅՈՒԹ
Զելենսկին վերջին պահին չեղարկել է ամերիկացի սենատորների առջև ելույթը Ուկրաինային օգնության հարցով քվեարկությունից առաջ
Քաղաքականություն
06.12.2023 | 16:24
Ուկրաինայի նախագահ Վլադիմիր Զելենսկին վերջին պահին չեղարկել է իր ելույթը ԱՄՆ Սենատի անդամների առջև, որոնք չորեքշաբթի պետք է քննարկեին Ուկրաինային ամերիկյան օգնության նոր խմբաքանակ հատկացնելու հարցը, փոխանցում է BBC-ի ռուսական ծառայությունը։
Զելենսկին պետք է ելույթ ունենար մի խումբ սենատորների փակ հանդիպման ժամանակ տեղական ժամանակով 15:00-ին, սակայն չի կարողացել դա անել, ասել է Սենատի դեմոկրատական մեծամասնության ղեկավար Չակ Շումերը։
«Զելենսկին չկարողացավ մասնակցել մեր հանդիպմանը, ինչ-որ բան պատահեց վերջին պահին»,- ասել է Շումերը, սակայն չի հստակեցրել, թե ինչու նախագահ Զելենսկին չի կարողացել ելույթ ունենալ Սենատում։
Չորեքշաբթի ԱՄՆ Սենատը պետք է քվեարկի Ուկրաինային ավելի քան 60 միլիարդ դոլար արժողությամբ օգնության նոր փաթեթի շուրջ։
Սպիտակ տունը նախազգուշացրել է, որ Ուկրաինային ռազմական օգնության գումարը կարող է սպառվել մինչև այս տարեվերջ։
