20.12.2025 | 12:59
Գործարկվել է ՆԳՆ միգրացիայի և քաղաքացիության ծառայության նոր կայքը
Հյուսիսային պողոտայից մինչև Տանզանիա․ դատախազն ընթերցեց Սեդրակ Քոչարյանի ենթադրյալ ապօրինի գույքի բռնագանձման հացադիմումը
Հասարակություն
05.12.2023 | 17:02
Դատախազությունը պահանջում է Հայաստանի երկրորդ նախագահ Ռոբերտ Քոչարյանի որդուց՝ Սեդրակ Քոչարյանից բռնագանձել
-Կոտայքի մարզի Ծաղկաձոր համայնքում գտնվող հանգստյան տուն,
-Երևանի Թումանյան փողոցում գտնվող շինություն,
-Պարոնյան 8 շենքի 10, 11 ավտականգառները,
-նույն շենքի 1, 3, 4, 5, 6, 7 տարածքները,
-Հյուսիսային պողոտայի 6-րդ շենքի 6, 15 տարածքները,
-Հյուսիսային պողոտա 1/1 շենքի 55, 56-րդ կայանատեղիները,
-Քանաքեռ- Զեյթուն վարչական շրջանում գտնվող 1 բնակարան,
-Թումանյան փողոցում գտնվող 41 շենքի 22 շինությունը։
ինչպես նաև շարժական գույքեր՝
-Toyօta մակնիշի երկու մեքենա,
-մասնակցություններ մի շարք ընկերություններում, որոնց թվում՝ նաև 37․4 % Տանզանիայում գրանցված Play master gaming corporation ընկերությանը։
Դատախազը շուրջ 10 րոպե ընթերցեց իրականացված ուսումնասիրության արդյունքում իրենց կողմից ենթադրյալ ապօրինի ճանաչված և բռնագանձման ենթակա գույքի ցանկը։ Երբ դատախազն ավարտեց իր խոսքը, Սեդրակ Քոչարյանի և վերջինիս կնոջ ներկայացուցիչ Հարություն Հարությունյանն ասաց, որ, հաշվի առնելով, որ ինքը ծանոթ չէ գործի նյութերին՝ միջնորդում է հետաձգել նիստը, և այն հետաձգվեց։
Արաքս Մամուլյան
