Քաղաքականություն
05.12.2023 | 20:13
ՌԴ նախագահի մամուլի քարտուղար Դմիտրի Պեսկովը հայտարարել է, որ Մոսկվան պատրաստ է Կիևի հետ բանակցություններին և նախընտրում է հասնել իր պահանջների կատարմանը քաղաքական ու դիվանագիտական միջոցներով։
«Նախագահը բազմիցս ասել է, որ մեզ համար գլխավորը [ուկրաինական ճգնաժամի վերաբերյալ] մեր նպատակներին հասնելն է։ Եվ, իհարկե, մենք կնախընտրեինք դա անել առաջին հերթին քաղաքական և դիվանագիտական միջոցներով։ Այդ իսկ պատճառով մենք պատրաստ ենք բանակցություններին»,- RTVI-ին ասել է Պեսկովը
Նա հիշեցրել է, որ բանակցային գործընթացն ընդհատվել է ուկրաինական կողմից։
«Նրանք իրենք են խոստովանել, որ դա արվել է Բրիտանիայի, բրիտանացիների թելադրանքով, հետևաբար, իրավիճակը միանգամայն ակնհայտ է»,- նշել է Կրեմլի խոսնակը։
Պեսկովը նաև մեկնաբանել է «Իզվեստիա»-ի այն հրապարակումը, որ Մոսկվայի և Կիևի միջև բանակցությունները կարող են վերսկսվել արևմտյան երկրներից մեկի, օրինակ՝ Հունգարիայի տարածքում։
«Այս հրապարակման մեջ ավելի շուտ տեսական եզրակացություն է»,- պարզաբանել է նա։
