16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Լավրովը Բայրամովի հետ խոսել է ՀՀ-ի հետ հարաբերությունների կարգավորմանն ուղղված ջանքերի ակտիվացման անհրաժեշտության մասին
Քաղաքականություն
05.12.2023 | 14:03
Ռուսաստանի արտգործնախարար Սերգեյ Լավրովը և Ադրբեջանի արտգործնախարար Ջեյհուն Բայրամովը Մոսկվայում հանդիպմանը հաստատել են Բաքվի և Երևանի միջև հարաբերությունների կարգավորմանն ուղղված ջանքերի ավելացման անհրաժեշտությունը։
«Տարածաշրջանային հարցերի քննարկման համատեքստում հաստատվել է 2020-2022 թվականներին ամենաբարձր մակարդակով եռակողմ համաձայնագրերի հիման վրա Ադրբեջանի և Հայաստանի միջև հարաբերությունների կարգավորմանն ուղղված ջանքերի ավելացման անհրաժեշտությունը»,- ասվում է ՌԴ ԱԳՆ-ի տարածած հաղորդագրության մեջ։
Գերատեսչությունում նշել են, որ կողմերն անդրադարձել են նաև «երկկողմ հարաբերությունների արդիական հարցերին»։
«Քննարկվել են Ռուսաստանի Դաշնության և Ադրբեջանի Հանրապետության 2022 թվականի փետրվարի 22-ի դաշնակցային համագործակցության մասին հռչակագրի դրույթների իրականացմանն ուղղված հետագա համատեղ քայլերը։ Կողմերը մտքեր են փոխանակել փոխադարձ հետաքրքրություն ներկայացնող մի շարք այլ միջազգային և տարածաշրջանային հարցերի շուրջ, այդ թվում՝ Կասպյան հնգյակում համագործակցության հարցերի շուրջ»,- ասվում է հաղորդագրությունում։
Նշենք, որ Ադրբեջանի ԱԳՆ ղեկավարը Մոսկվայում է՝ մասնակցելու մերձկասպյան երկրների՝ Իրանի, Ղազախստանի, Ռուսաստանի և Թուրքմենստանի ԱԳ նախարարների հանդիպմանը։
