10.04.2026 | 11:05
«Հայաստան» համահայկական հիմնադրամի բիտումի գնման գործով վերականգնվել է 111.9 մլն դրամ
Գազայում անվտանգ գոտիներ չկան․ ՅՈՒՆԻՍԵՖ-ի ներկայացուցիչ
Քաղաքականություն
05.12.2023 | 15:34
ՄԱԿ-ի մանկական հիմնադրամի (ՅՈՒՆԻՍԵՖ) ներկայացուցիչ Ջեյմս Էլդերը, որն այս շաբաթվա սկզբին Գազայում էր, անվտանգ գոտիներն անվանել է «վտանգավոր կեղծ պատմություն»: Այս մասին նա ասել է BBC-ին տված հարցազրույցում։
«Դրանք ամայի հողերի փոքրիկ հատվածներ են։ Ո՛չ ջուր կա, ո՛չ հարմարություններ, ո՛չ ցրտից ապաստան, ո՛չ սանիտարական պայմաններ»,- նշել է նա։
«Եթե դուք պատրաստվում ենք բռնի տարհանում իրականացնել, չեք կարող հարյուր հազարավոր մարդկանց ուղարկել մի տեղ, որտեղ ջուր կամ զուգարան չկա: Ես իսկապես նկատի ունեմ զուգարանների բացակայությունը։ Ամեն մի անկյունում, ուր ես շրջում էի, ևս 5,000 մարդ էր հայտնվում գիշերվա ընթացքում: Նրանք ո՛չ զուգարան չունեն, ո՛չ էլ մի կաթիլ ջուր»,- հավելել է Էլդերը։
Իսրայելի զինվորականներն էլ ասում են, որ իրենք QR կոդերով թռուցիկներ են նետում, որոնք «բացում են քարտեզը՝ ուղղորդելով Գազայի բնակիչներին ավելի ապահով տարածքներ», սակայն Էլդերը նշում է, որ էլեկտրականության խափանումները նշանակում են, որ շատերի մոտ չեն լինի աշխատող հեռախոսներ՝ կոդերը սքանավորելու համար։
Էմմա Չոբանյան
