23.07.2026 | 18:28
Վահան Կոստանյանը Փարիզում քննարկել է Հայաստանի համար եվրոպական շուկայի հասանելիության ընդլայնումը
Բալկանյան երկրների ընդունումը ԵՄ բխում է կառույցի շահերից․ Բերբոք
Քաղաքականություն
05.12.2023 | 19:20
Գերմանիայի արտաքին գործերի նախարար Անալենա Բերբոքը, ինչպես նախկինում, Արևմտյան Բալկանների երկրների ընդգրկումը ԵՄ կազմում կարևոր ներդրում է համարում Ուկրաինայի դեմ Ռուսաստանի պատերազմի ֆոնին, որը շարունակվում է շուրջ երկու տարի, գրում է DW-ի ռուսական ծառայությունը։
«Սրանք դատարկ խոսքեր չեն, դա ելնում է մեր անվտանգության շահերից։ Հաշվի առնելով ՌԴ-ի իմպերիալիզմը Եվրոպայի կենտրոնում՝ ԵՄ-ն չի կարող իրեն թույլ տալ ունենալ «գորշ գոտիներ»»,- ասել է գերմանացի պաշտոնյան մեկօրյա այցով Սլովենիա մեկնելուց առաջ:
«Աշխարհում, որտեղ ճգնաժամերն ու հակամարտությունները մեկը մյուսի վրա են կուտակվում Եվրոպայի անմիջական մոտակայքում, երկրներին անհրաժեշտ է ԵՄ-ի միասնությունը, որը կգործի արագ և վճռականորեն և կմնա բոլորիս անվտանգության խարիսխը Եվրոպայում»,- բացատրել է Բերբոքը:
Նրա խոսքով՝ ԵՄ-ին անդամակցելու համար անհրաժեշտ է բարեփոխումներ իրականացնել այն երկրներում, որոնք «ցանկանում են դառնալ եվրոպական ընտանիքի մաս»։
«Միևնույն ժամանակ, ԵՄ-ն պետք է տեր կանգնի իր խոսքին և կատարի հաջորդ քայլերը ընդլայնման գործընթացում, երբ կատարվեն բոլոր պայմանները»,- հավելել է նախարարը։
