Հայտնի են Հայաստանի ազատ և հունահռոմեական ոճի ըմբշամարտի առաջնության հաղթողները

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Դեկտեմբերի 2-ին և 4-ին կայացել են Հայաստանի ազատ և հունահռոմեական ոճի ըմբշամարտի մեծահասակների առաջնությունները․ տեղեկացնում են ՀՀ ԿԳՄՍՆ-ից։

Ազատ ոճի ըմբշամարտի առաջնությունը կայացել է Արտաշատի Ռաֆիկ Գոլեցյանի անվան մարզադպրոցում: Ըստ քաշային կարգերի Հայաստանի չեմպիոններ են դարձել` Մանվել Խնձրցյանը (57 կգ), Մեժլում Մեժլումյանը (61 կգ), Անդրանիկ Ավետիսյանը (65 կգ), Գևորգ Մխեյանը (70 կգ), Հայկ Պապիկյանը (74 կգ), Արման Ավագյանը (79 կգ), Ռազմիկ Եփրեմյանը (86 կգ), Իգոր Սարկիսյանը (92 կգ), Գուրգեն Սիմոնյանը (97 կգ), Մարտին Սիմոնյանը (125 կգ):

Հայաստանի հունահռոմեական ոճի ըմբշամարտի առաջնությունն անցկացվել է Երևանի «Դինամո» մարզադահլիճում:

Հունահռոմեական ոճի ըմբիշներից ըստ քաշային կարգերի Հայաստանի չեմպիոններ են հռչակվել Մանվել Խաչատրյանը (55 կգ), Գևորգ Ղարիբյանը (60 կգ), Հրաչյա Պողոսյանը (63 կգ), Սահակ Հովհաննիսյանը (67 կգ), Աշոտ Խաչատրյանը (72 կգ), Հենրիկ Գևորգյանը (77 կգ), Կարեն Խաչատրյանը (82 կգ), Գևորգ Թադևոսյանը (87 կգ), Հայկ Խլոյանը (97 կգ) և Դավիթ Օվասափյանը (130 կգ):

Հայաստանի հունահռոմեական ոճի ըմբշամարտի հավաքականի գլխավոր մարզիչ Արմեն Բաբալարյանն առանձնացրել է հատկապես երիտասարդ ըմբիշների հաջող ելույթները Հայաստանի առաջնությունում:

«55 կգ քաշային կարգում Մանվել Խաչատրյանը հաճելիորեն զարմացրեց և արդեն իր ուրույն տեղն ապահովեց Ազգային հավաքականում: Մանվելը նոր է սկսել հանդես գալ մեծահասակների պայքարում և բավականին հաջող ելույթներ ունեցավ՝ տանելով շատ վստահ հաղթանակներ: 72 կգ քաշային կարգում Աշոտ Խաչատրյանը ևս գոհացրեց. փոխել է քաշային կարգը ու այսօր կարողացավ հաղթել շատ փորձառու ըմբիշների: Ընդհանուր առմամբ, կան երիտասարդ, խոստումնալից մարզիկներ. կարծում եմ՝ Օլիմպիական խաղերից հետո արդեն աստիճանաբար կարող ենք մտածել սերնդափոխության մասին»,- ընդգծել է Արմեն Բաբալարյանը:

Նրա տեղեկացմամբ՝ Հայաստանի առաջնությանը շուրջ 80 ըմբիշ է մասնակցել:

«Առաջնությունը նորմալ է անցել, մրցավարական աշխատանքն էլ այս անգամ իսկապես բարձր մակարդակի վրա էր: Հայաստանի առաջնությունից ազատված էին օլիմպիական վարկանիշներ նվաճած Արթուր Ալեքսանյանը, Մալխաս Ամոյանը և Սլավիկ Գալստյանը: Եվս երեք քաշային կարգերում մասնակցելու ենք վարկանիշային մրցումների»,- ասել է Արմեն Բաբալարյանն ու տեղեկացրել, որ առաջնության արդյունքներով ձևավորվելու է Հայաստանի հավաքականը, որը կմասնակցի Ռումինիայում 2024 թվականի փետրվարին կայանալիք Եվրոպայի առաջնությանը:

Նախապատրաստվելով Եվրոպայի առաջնությանը՝ Հայաստանի հավաքականը դեկտեմբերից երեք ուսումնամարզական հավաք կանցկացնի. առաջինը՝ Ծաղկաձորում, երկրորդը՝ Երևանում կամ Գյումրիում, իսկ վերջինը՝ Օլիմպավանում: