15.09.2026 | 19:21
Դատավոր Սամվել Թադևոսյանը կրկին հրաժարականի դիմում է ներկայացրել. ԲԴԽ-ն դադարեցրել է նրա լիազորությունները
Քաղցրավենիք, կոնյակ, շամպայն․ 1․500․000 ՀՀ դրամ՝ Աջափնյակ վարչական շրջանի աշխատակազմի պարգևատրման և ամանորյա հյուրասիրության համար
04.12.2023 | 17:49
Երևանի Աջափնյակ վարչական շրջանում ամանորյա միջոցառումների կազմակերպումը կարժենա 1․500․000 ՀՀ դրամ։ Վարչական շրջանի աշխատակազմը կպարգևատրվի ժամացույցներով ու պատվոգրերով, կլինի նաև հյուրասիրություն։
Գնումն իրականացվել է անհատ ձեռնարկատեր, պատմաբան Վահրամ Թոքմաջյանից։ Այսպես, պայմանագրի տեխնիկական բնութագրում նշված է, որ 5 աշխատակից կպարգևատրվի ձեռքի մեխանիկական ժամացույցով, որի թվատախտակին պիտի լինի ՀՀ զինանշանը։
15 աշխատակիցներ կստանան պատվոգրեր, որոնց թղթապանակը պիտի լինի վարչական շրջան նշումով և Երևանի զինանշանի պատկերով:
Հյուրասիրությունը կկազմակերպվի 120 հոգու համար։ Այն իր մեջ ներառում է 5 տեսակի նախուտեստ (կանապե, տարտալետկա, մինի սենդվիչներ, բուրգերներ, փոքր ռուլետներ), 2 տեսակի աղցան (բանջարեղենային և մսային), 3 տեսակի քաղցրավենիք (թխվածքաբլիթ, կարկանդակ, ֆուրշետային խմորեղեններ), 10 հատ բարձրորակ կոնյակ՝ 0․7 լիտր տարողությամբ և 10 տարի հնեցմամբ, 10 հատ կիսաչոր շամպայն՝ 0,75 լիտր տարողությամբ, 10 հատ կարմիր, կիսաքաղցր գինի՝ 0,75 լիտր տարողությամբ, 40 հատ բնական հյութ՝ 1 լիտր տարողությամբ։ Այս ամենից բացի, սեղանին կդրվեն նաև մրգեր, ընդեղեն և շոկոլադե կոնֆետներ, ջուր, թեյ և սուրճ։
Արփի Հակոբյան
