29.04.2026 | 22:08
Կենտրոնում գրեթե ամբողջ շաբաթ փոշու պարունակությունը գերազանցել է սահմանային թույլատրելի կոնցենտրացիան
Ոսկու գները հասել են պատմական առավելագույնին
Քաղաքականություն
04.12.2023 | 14:38
Ասիական բորսաներում առավոտյան առևտրի ընթացքում ոսկու գներն աճել են՝ հասնելով ռեկորդային մակարդակի․ մինչև 2135 դոլար՝ մեկ տրոյական ունցիայի դիմաց, հաղորդում է DW-ի ռուսական ծառայությունը։
Գները հասել են պատմական առավելագույնին՝ ԱՄՆ Դաշնային պահուստային համակարգի տոկոսադրույքները նվազեցնելու սպասումների ֆոնին, նշում է AFP-ն: Անցյալ շաբաթ Fed-ի նախագահ Ջերոմ Փաուելը հասկացրել է, որ կարգավորիչը նախատեսում է բազային տոկոսադրույքը պահել ներկայիս մակարդակի վրա և չի բարձրացնի այն:
Գների աճը պայմանավորված է նաև դոլարի թուլացմամբ, ինչը ոսկին ավելի հասանելի է դարձնում միջազգային գնորդներին։ Գործակալությունը որպես աճի մեկ այլ պատճառ նշում է շարունակական ներդրումները ոսկու մեջ՝ որպես հուսալի ակտիվի՝ Իսրայելի և ՀԱՄԱՍ-ի միջև պատերազմի ֆոնին:
Ոսկու գինը բարձրանում է արդեն մի քանի շաբաթ անընդմեջ։ Հոկտեմբերի սկզբից մետաղների գներն աճել են 16 տոկոսով, հայտնում է Bloomberg-ը։
Նախորդ պատմական առավելագույնը գրանցվել էր 2020 թվականի օգոստոսին, երբ ոսկու գները բարձրացան մինչև 2080 դոլար։
