03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Ինդոնեզիայում հրաբխի ժայթքումը 11 մարդու կյանք է խլել
Քաղաքականություն
04.12.2023 | 12:35
Ինդոնեզիայի Սումատրա կղզու արևմտյան մասում Մարապի հրաբխի ժայթքման հետևանքով զոհվել է առնվազն 11 մարդ, փոխանցում է BBC-ի ռուսական ծառայությունը։ Եվս 12 մարդ համարվում է անհետ կորած, սակայն նրանց որոնողական աշխատանքները ժամանակավորապես դադարեցվել են անվտանգության նկատառումներից ելնելով։ «Այժմ որոնողական աշխատանքները շարունակելը չափազանց վտանգավոր է», – ասել է փրկարարական թիմի խոսնակը:
Կիրակի կեսօրին տեղի ունեցած ժայթքման հետևանքով 49 մարդ տարհանվել է, նրանցից շատերն այրվածքների պատճառով բժշկական օգնության կարիք են ունեցել։ Արտանետված մոխիրը ծածկել է մի քանի գյուղ։
Մարապին Սումատրա կղզու ամենաակտիվ հրաբուխներից մեկն է, որի ամենածանր հետևանքներով ժայթքումը տեղի է ունեցել 1979 թվականի ապրիլին, զոհվել է 60 մարդ:
Ինդոնեզական արշիպելագը, որը բաղկացած է 18 հազար կղզիներից, գտնվում է խաղաղօվկիանոսյան «հրաբխային կրակի» օղակում։ Այս գոտում սեյսմիկ ակտիվությունը գրեթե երբեք չի դադարում։ Ինդոնեզիայում կա 127 գործող հրաբուխ։
