07.10.2026 | 23:48
Արթուր Դանիելյանը կալանավորվեց
Բաքվում մեկնարկել է գերեվարված Գագիկ Ոսկանյանի շինծու գործով դատական նիստը
04.12.2023 | 11:34
Ադրբեջանում մեկնարկել է գերեվարված Գագիկ Ոսկանյանի դեմ հարուցված շինծու գործով դատական գործընթացը։ Ադրբեջանական լրատվամիջոցների հաղորդմամբ՝ նիստն ընթանում է Բաքվի Սաբունչիի շրջանային դատարանում Գյանջայի ծանր հանցագործությունների դատարանի դատավոր Աբդուլլա Մամեդովի նախագահությամբ։ Նշվում է, որ նախապատրաստական նիստում հստակեցվելու են մեղադրյալի և տուժողների անձնական տվյալները։
Հիշեցնենք, որ օգոստոսի 16-ին պահեստազորում հաշվառված, ուսումնամարզական հավաքի մասնակից Գագիկ Ոսկանյանը լքել էր մարտական դիրքը։ Ավելի ուշ պարզ էր դարձել, որ ադրբեջանական կողմը գերեվարել էր Ոսկանյանին։
Օգոստոսի 18-ին ադրբեջանական դատարանի որոշմամբ Ոսկանյանը կալանավորվել էր «Հայաստանի զինված ուժերի հետախուզադիվերսիոն խմբի կողմից Ադրբեջանի պետական սահմանը խախտելու» մեղադրանքով։
