26.06.2026 | 02:03
ԱԱ-2026. Գերմանիան անակնկալ պարտություն կրեց, Կոտ դ’Իվուարը հաղթեց. ՏԵՍԱՆՅՈՒԹ
Իբր թեթևացնում են Երևանը, բայց դա ինչ-որ մեկի գրպանը լցնելու միջոց է. Արծրունին՝ կայանատեղիների մասին․ ՏԵՍԱՆՅՈՒԹ
Հաղորդաշարեր
02.12.2023 | 19:02
«Մի քանի տարի առաջ սուր արձագանքեցի գույքահարկի բարձրացմանը`համարելով դա բնիկ երևանցիներին, հատկապես`Կենտրոնի բնակիչներին տեղահանելու միջոց: Երևանի կենտրոնում մեքենայի կայանման էապես թանկացումն այդ իրողությունների համակարգում է պետք դիտարկել: Մեր երկրում ցանկացած փոփոխություն բնակչի գլխին է կոտրվում և նրա ուսերին է ծանրանում. իբր պետք է թեթևացնեն Երևանի կենտրոնը, մինչդեռ դա ինչ-որ մեկի գրպանը լցնելու հրաշալի միջոց է»,- Factor TV-ի հետ զրույցում նշում է կոմպոզիտոր, երգիչ Վահան Արծրունին:
Նա անդրադառնում է Արցախի կորստին, և ողբերգական այդ իրադարձություններից հետո մեր հոգեվիճակին. «Մեր ժողովուրդը Հայաստանում և Սփյուռքում դեռ խորապես չի գիտակցել, թե ինչ է տեղի ունեցել: Այդ ազգային դրաման մենք չենք ապրում, դա ժամանակի ընթացքում կգա: Հայաստանի և Արցախի իշխանությունների ապաշնորհության հետևանքով ունեցանք տոտալ կորուստ, կատաստրոֆա և կործանում»:
Վահան Արծրունու խոսքով`մեր իշխանությունը, պարբերաբար օրակարգ է մտցնում որոշակի թեզեր, ինչպես «տեղի ունեցածի համար բոլորն են մեղավոր» կամ «ամեն մարդ թող իր տեղում իր գործը լավ անի». «Դրանք մանիպուլատիվ թեզեր են, մաքուր դեմագոգիա, որոնց միջոցով իշխանությունն աճպարարություն է անում»:
Մանրամասները`տեսանյութում:
Աննա Բաբաջանյան
