15.11.2024 | 20:30
Փաշինյանը Պապիկյանին կազատի՞ զբաղեցրած պաշտոնից, եթե նա այլ հայտարարություն անի․ ԵզրաԿԱՑՈՒԹՅՈՒՆ
Ադրբեջանում վերջին 10 օրում 5-րդ լրագրողն է կալանավորվել
Քաղաքականություն
01.12.2023 | 20:35
Ադրբեջանում վերջին 10 օրում հինգերորդ լրագրողն է կալանավորվել։ Բաքվի Խաթայի դատարանը նախօրեին ձերբակալված AbzasMedia-ի լրագրող Նարգիզ Աբսալամովին երեք ամսով կալանավորելու որոշում է կայացրել՝ մի խումբ անձանց կողմից նախնական համաձայնությամբ մաքսանենգության մեղադրանքով։
Լրագրող Աբսալամովան հայտարարել է իր անմեղության մասին՝ պնդելով, որ իրեն հետապնդում են լրագրողական գործունեության համար։ Քննությունը պնդում է Աբսալամովայի և նախկինում կալանավորված AbzasMedia-ի երեք այլ աշխատակիցների՝ Ուլվի Հասանլիի, Սևինջ Վաքըֆքըզիի և Մուհամեդ Կեկալովի միջև դավադրության մասին:
Նշենք, որ Ադրբեջանի իշխանություններն ուժեղացրել են ճնշումները անկախ լրատվամիջոցների նկատմամբ։ Դատարանը նախ 4 ամսով կալանավորել էր իշխանությունների կառուպցիոն գործունեությունը հետաքննող AbzasMedia-ի տնօրեն Ուլվի Հասանլիին, գլխավոր խմբագիր Սևինջ Վաքըֆքըզիին, աշխատակից Մոհամմեդ Կեկալովին։ Նրանք մեղադրվում են փողերի մաքսանենգության մեջ։
Այնուհետև ձերբակալվել էր ընդդիմադիր Kanal 13-ի ղեկավար Ազիզ Օրուջևը։ Բաքվի Սաբիլի շրջանային դատարանը նրան 3 ամսով կալանավորելու որոշում է կայացրել։ Օրուջևը մեղադրվում է «ապօրինի շինարարության մեջ», նրան սպառնում է երեք տարվա ազատազրկում։
Նշենք նաև, որ ԱՄՆ-ը, ԵՄ-ն, ինչպես նաև միջազգային լրագրողական ու այլ կառույցներ իրենց մտահոգությունն են հայտնել Ադրբեջանում լրագրողների նկատմամբ տեղի ունեցող ձերբակալությունների վերաբերյալ։
Լրագրողներ առանց սահմանի կազմակերպությունն էլ հայտարարությամբ նշել է, որ Ադրբեջանում կոռումպացված էլիտայի փոխարեն ձերբակալում են լրագրողներին։
Էմմա Չոբանյան
