Քաղաքականություն
28.11.2023 | 20:21
«Լրագրողներ առանց սահմանների» կազմակերպությունը (RSF) հայտարարություն է տարածել Ադրբեջանում անկախ լրատվամիջոցների դեմ սկսված բռնաճնշումների նոր ալիքի վերաբերյալ՝ կոչ անելով անհապաղ ազատ արձակել «AbzasMedia»-ի տնօրենին, փոխտնօրենին ու գլխավոր խմբագրին, որոնք 4 ամսով կալանավորվել են։
Նշվում է, որ նրանց ձերբակալություններն անընդունելի ոտնձգություն են և կազմակերպությունը միջազգային հանրությանը զգուշացնում է Ադրբեջանում մամուլի ազատության անկման մասին:
«Ադրբեջանում հասարակական կարգը շրջված է։ Լրագրողներին բանտ են նետում՝ կոռումպացված էլիտաների փոխարեն, որոնց չարագործությունները նրանք բացահայտում են։ Իշխանության ներկայացուցիչները, կարծես, նախագահ Իլհամ Ալիևի՝ լրատվամիջոցների մասին նոր ճնշող օրենքն անբավարար են համարում՝ երկրում մնացած մի քանի անկախ լրատվամիջոցներին խեղդելու համար: RSF-ը միջազգային հանրության ուշադրությունն է հրավիրում իրավիճակի ուղղությամբ և կոչ է անում ազատ արձակել Ուլվի Հասանլիին, Սևինջ Վաքըֆքըզիին և Մոհամմադ Կեկալովին»,- ասել է կազմակերպության Արևելյան Եվրոպայի և Կենտրոնական Ասիայի գրասենյակի ղեկավար Ժաննա Կավելիերը։
Նշենք, որ Ադրբեջանում մամուլի ազատության իրավիճակը շարունակաբար վատթարանում է։ RSF-ի 2023 թվականի մամուլի ազատության համաշխարհային ինդեքսում երկիրը զբաղեցնում է 151-րդ տեղը 180 երկրների շարքում։
Էմմա Չոբանյան
