Քաղաքականություն
01.12.2023 | 19:24
Կալանավորված ռուսաստանցի ընդդիմադիր գործիչ Ալեքսեյ Նավալնիի նկատմամբ նոր քրեական գործ է հարուցվել։ Այս մասին ասվում է Telegram ալիքում հրապարակված հաղորդագրությունում, որը վարվում է Նավալնիի անունից, գրում է DW-ի ռուսական ծառայությունը։
Տեղեկացվում է, որ քրեական գործը հարուցվել է ՌԴ քրեական օրենսգրքի 214 հոդվածի 2-րդ մասով։
Հակակոռուպցիոն հիմնադրամի (ՀԲԿ) հիմնադրի դիտարկումների համաձայն՝ Ռուսաստանի իշխանությունները երեք ամիսը մեկ նոր քրեական գործ են հարուցում նրա դեմ։
Ալեքսեյ Նավալնին ընդգծել է, որ «պատկերացում չունի», թե ինչ է նշանակում Ռուսաստանի Դաշնության Քրեական օրենսգրքի 214-րդ հոդվածը։ Խոսքը վանդալիզմի մասին է։
Նավալնին ՌԴ իշխանությունների կողմից բանտարկվել է 2021 թվականի փետրվարին այն բանից հետո, երբ մեղավոր է ճանաչվել «Իվ Ռոշերի» գործով խարդախության մեջ։ Այդ ժամանակ քաղաքական գործիչը դատապարտվել է 2 տարի 8 ամիս ազատազրկման։ 2022 թվականի մարտին Նավալնին մեղավոր է ճանաչվել նաև խարդախության, այնուհետև դատավորին վիրավորելու մեջ և դատապարտվել 9 տարվա ազատազրկման խիստ ռեժիմի գաղութում (հանցագործությունների համակցությամբ):
2023 թվականի օգոստոսին Ալեքսեյ Նավալնին Մոսկվայի քաղաքային դատարանի կողմից դատապարտվել է 19 տարվա ազատազրկման հատուկ ռեժիմի գաղութում՝ «ծայրահեղական համայնք» ստեղծելու գործով։ Ըստ իշխանությունների՝ այդպիսի համայնք է հենց նրա հիմնած Հակակոռուպցիոն հիմնադրամը։
