Քաղաքականություն
01.12.2023 | 17:29
Իրանի արտաքին գործերի նախարար Հոսեյն Ամիր Աբդոլլահիանը կոչ է արել դադարեցնել մարտերը Գազայում, քանի դեռ «ուշ չէ»։
«Պատանդները չեն կարող ազատվել ռազմական գործողությունների միջոցով, նրանք կարող են միայն մահանալ պայթյունների հետևանքով: Այն փաստը, որ Վաշինգտոնը և Թել Ավիվը որոշեցին շարունակել այս պատերազմը, Գազայի հատվածում և Հորդանան գետի Արևմտյան ափում ցեղասպանության նոր ակտ է նշանավորում: Դադարեցրե՛ք ագրեսիան Գազայի հատվածի դեմ, քանի դեռ ուշ չէ»,- X-ում գրել է Աբդոլլահիանը։
Հիշեցնենք, որ այսօր առավոտյան Իսրայելը հայտարարել է ռազմական գործողությունները վերսկսելու մասին։ Իսրայելի պաշտպանության բանակը ՀԱՄԱՍ-ին մեղադրել է օպերատիվ դադարի պայմանները խախտելու և Իսրայելի տարածքը գնդակոծելու մեջ։
Նշվում է, որ Գազայից մի քանի հրթիռ է արձակվել Իսրայելի տարածքի ուղղությամբ։ Իսրայելական օդուժն իր հերթին ավիահարվածներ է հասցրել պաղեստինյան օբյեկտներին:
No solution exists other than open-ended ceasefire, extensive delivery of humanitarian aid and agreement on fresh exchange of prisoners. POWs are not released with war but are instead killed in strikes. Progress of the Washington and Tel Aviv war means new genocide in Gaza and…
— H.Amirabdollahian امیرعبداللهیان (@Amirabdolahian) December 1, 2023
