23.07.2026 | 21:40
Ֆրանսիայում, Իտալիայում և Իսպանիայում անտառային հրդեհների դեմ պայքար է․ Ֆրանսիայի հարավում ավելի քան 10,000 մարդ է տարհանվել
Գազայի առողջապահության նախարարությունը հայտնել է հրադադարի ավարտից հետո 32 մարդկային կորստի մասին
Քաղաքականություն
01.12.2023 | 14:47
ՀԱՄԱՍ-ի կողմից ղեկավարվող Գազայի Առողջապահության նախարարությունը պնդում է, որ երկրում ժամանակավոր զինադադարի ավարտից հետո առաջին երեք ժամվա ընթացքում 32 մարդ է զոհվել, գրում է BBC-ի ռուսական ծառյությունը։
Առողջապահության նախարարության հայտարարության մեջ ասվում է նաև, որ Իսրայելի հարվածների հետևանքով տասնյակ մարդիկ են վիրավորվել։
Այսօր վաղ առավոտյան Իսրայելի պաշտպանության բանակը պաշտոնապես հայտարարեց, որ Իսրայելի ռազմաօդային ուժերը սկսել են հարվածներ հասցնել ՀԱՄԱՍ-ի թիրախներին Գազայի հատվածում։ Դա տեղի ունեցավ մոտ կես ժամ անց, երբ Իսրայելը հայտարարեց, որ կվերսկսի մարտերը, քանի որ ՀԱՄԱՍ-ը խախտել է զինադադարի համաձայնագրի պայմանները:
ՀԱՄԱՍ-ն իր հերթին կարծում է, որ Իսրայելն է խախտել հրադադարի համաձայնագիրը՝ թույլ չտալով վառելանյութ հասցնել Գազայի հատվածի հյուսիս, BBC-ին հայտնել է բանակցություններին մոտ կանգնած աղբյուրը։
