14.12.2024 | 19:57
Ինչ իրավիճակ է ճանապարհներին 19։35-ի դրությամբ
«Հանդիպել պետական սահմանին կամ անաչառ ու չեզոք երրորդ երկրում»․ Բայրամովը ելույթ է ունեցել Սկոպյեում
Քաղաքականություն
01.12.2023 | 11:40
Ադրբեջանի ԱԳ նախարար Ջեյհուն Բայրամովը, ելույթ ունենալով Սկոպյեում ԵԱՀԿ ԱԳ նախարարների խորհրդի 30-րդ նիստում, հայտարարել է, թե «երկակի ստանդարտներն ու ընտրովի մոտեցումը ռիսկեր և մարտահրավերներ են միջազգային հարաբերությունների համակարգում»։ Նա նշել է, թե ԵԱՀԿ-ն չի կարողացել արդյունավետորեն իրականացնել իր մանդատը հայ-ադրբեջանական հակամարտության ժամանակ։ Բայրամովը դժգոհել է, որ «հետկոնֆլիկտային շրջանում ԵԱՀԿ անդամ մի շարք երկրներ, որոնք Հայաստանի հովանավորն են, դեռևս հանդես են գալիս հայտարարություններով, որոնք չեն համապատասխանում այսօրվա իրողություններին»։
Խոսելով Հայաստանի հետ խաղաղության պայմանագրի բանակցություններից՝ նա ասել է, որ կան որոշակի դժվարություններ ու մարտահրավերներ՝ Հայաստանին մեղադրելով գործընթացը դանդաղեցնելու, որոշ երկրների էլ՝ «Հարավային Կովկասում իրենց աշխարհաքաղաքական խաղերը նախագծելու համար»։
«Չնայած դրան՝ Ադրբեջանը վճռական է խաղաղության օրակարգում առաջընթացի հասնելու հարցում։ Մենք բաց առաջարկել ենք Հայաստանին հանդիպել է պետական սահմանին կամ անաչառ ու չեզոք երրորդ երկրում։ Մենք համոզված ենք, որ Ադրբեջանն ու Հայաստանը պատմական հնարավորություն ունեն բարեկամական, բարիդրացիական հարաբերություններ հաստատելու և միասին խաղաղ ապրելու որպես երկու ինքնիշխան պետություններ։ Եկել է այս հնարավորությունն օգտագործելու ժամանակը»,-նշել է Բայրամովը։
Հավելենք, որ Բաքուն վերջին շրջանում արդեն երեք անգամ հրաժարվել է ՝ Գրանադայում, Բրյուսելում ու Վաշինգտոնում Հայաստանի հետ բանակցությունների առաջարկից։
