06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Բաքվի դատարանն ադրբեջանցուն 17,5 տարվա ազատազրկման է դատապարտել՝ «ՀՀ-ի օգտին լրտեսության» համար
Քաղաքականություն
30.11.2023 | 17:21
Բաքվի ծանր հանցագործությունների դատարանում ընթերցվել է պետական դավաճանության հոդվածով մեղադրվող Այդին Զաքիևի դատավճիռը, գրում են ադրբեջանական լրատվամիջոցները։
Նիստը տեղի է ունեցել դատավոր Մահմուդ Աղալարովի նախագահությամբ, մեղադրյալի մեղքն ապացուցված է ճանաչվել։
Դատարանի որոշմամբ՝ Զաքիևը դատապարտվել է 17,5 տարվա ազատազրկման։
Նշենք, որ Ադրբեջանի Պետանվտանգության ծառայությունը Զաքիևին ձերբակալել էր 2021 թվականին՝ կասկածներով, որ նա ի վնաս Ադրբեջանի ինքնիշխանության, տարածքային ամբողջականության, պետական անվտանգության և պաշտպանունակության, իբր, աջակցել է Հայաստանի հատուկ ծառայությունների ներկայացուցիչներին՝ թշնամական գործունեություն ծավալելու գործում։ Հետաքննությունը պարզել է, որ Զաքիևը, իբր, զբաղվել է լրտեսությամբ՝ ի շահ հայկական հետախուզական ծառայությունների և երրորդ երկրների տարածքում հանդիպել նրանց ներկայացուցիչների հետ։ Ասվում է, թե հայկական կողմի հանձնարարությամբ՝ Զաքիևը տեղեկատվություն է հավաքել և փոխանցել Ադրբեջանի զինված ուժերի անձնակազմերի վերաբերյալ։
Էմմա Չոբանյան
