15.01.2026 | 16:16
Ձեր ներկայությամբ են ինձ հեռացրել, փակել դահլիճի դռները. Դավիթ Հարությունյանի բացարկը՝ ԲԴԽ նախագահին․ ՏԵՍԱՆՅՈՒԹ
Միրզոյանը Լավրովին ևս մեկ անգամ ներկայացրել է հայկական կողմի դիրքորոշումները երկկողմ և տարածաշրջանային օրակարգերի շուրջ ՌԴ քաղաքականության և իրականացրած քայլերի վերաբերյալ
Քաղաքականություն
30.11.2023 | 15:59
Նոյեմբերի 30-ին Սկոպյեում ՀՀ արտաքին գործերի նախարար Արարատ Միրզոյանը հանդիպում է ունեցել ՌԴ արտաքին գործերի նախարար Սերգեյ Լավրովի հետ․ տեղեկացնում են ՀՀ ԱԳՆ-ից։
ԱԳ նախարար Արարատ Միրզոյանը ռուսական կողմին ևս մեկ անգամ ներկայացրել է հայկական կողմի դիրքորոշումները երկկողմ և տարածաշրջանային օրակարգերի շուրջ ՌԴ քաղաքականության և իրականացրած քայլերի վերաբերյալ:
Ռուսական կողմի հաղորդագրության համաձայն էլ՝ երկու երկրների արտաքին գերատեսչությունների ղեկավարները քննարկել են երկկողմ օրակարգի ընթացիկ հարցեր, ինչպես նաև փոխգործակցությունը միջազգային հարթակներում և ընդհանուր ինտեգրացիոն միավորումների շրջանակում։
«Տեղի է ունեցել մտքերի փոխանակում տարածաշրջանային խնդիրների շուրջ, ռուսական կողմը հաստատել է իր պատրաստակամությունը՝ եռանդուն կերպով նպաստելու հայ-ադրբեջանական հարաբերությունների կարգավորմանը՝ հիմնվելով Ռուսաստանի, Ադրբեջանի և Հայաստանի ղեկավարների միջև 2020-2022 թվականների եռակողմ պայմանավորվածությունների վրա, այդ թվում՝ Երևանի եւ Բաքվի միջև խաղաղության պայմանագրի կնքմանը հասնելը»,- ասվում է ՌԴ ԱԳՆ հաղորդագրության մեջ։
Կողմերը նաև հաստատել են տարբեր մակարդակներով հետագա շփումների անհրաժեշտությունը։
