15.01.2026 | 16:24
Արման Ծառուկյան․ Բոլորը վախից փախչում են ինձանից
Պարեկները «ՎԱԶ-21214»-ի բեռնախցիկում հրացան, փամփուշտներ և կարմրախայտ են հայտնաբերել
Հասարակություն
30.11.2023 | 14:25
Նոյեմբերի 29-ի ժամը 18.15-ի սահմաններում ՆԳՆ ոստիկանության ՊԾ Վայոց ձորի մարզի պարեկները ծառայության ընթացքում Շատին բնակավայրի վարչական տարածքում կանգնեցրել են «ՎԱԶ-21214» մանիշի մի մեքենա: Արտաքին ստուգման ժամանակ բեռնախցիկի տեսանելի հատվածում պարեկները նկատել են «ԻԺ-17» որսորդական ողորկափող հրացան՝ խզակոթին 16 մմ տրամաչափի 6 փամփուշտով, 2 փամփշտատուփ՝ լիցքավորված 7,62 մմ տրամաչափի մարտական փամփուշտներով և պարկ, որի մեջ կարմրախայտ ձկներ էին․ տեղեկացնում են ՆԳՆ-ից։
«ՎԱԶ-21214»-ի վարդենիկցի 33-ամյա վարորդը հայտնել է, որ հրացանն օրինական է, իսկ փամփուշտները զորամաս հանձնելու համար բերել էր մարտական դիրքերից, սակայն չի հանձնել: Հայտնել է նաև, որ ձկները որսացել են Արատես բնակավայրի գետից:
Վարորդը և համագյուղացի չորս ուղևորները տեղափոխվել են ոստիկանության Եղեգնաձորի բաժին, իսկ մեքենան՝ բաժնի պահպանվող հատուկ տարածք:
Կազմված փաստաթղթերը և նշված անձինք ներկայացվել են Վայոց ձորի մարզային քննչական վարչություն:
