30.05.2026 | 12:05
Արման Ծառուկյանը և Քիլոն Ջիմիսոնը հայացքների մենամարտ են անցկացրել․ ՏԵՍԱՆՅՈՒԹ
Նախիջևանում հրամանատարաշտաբային զորավարժություններ են անցկացվել
Քաղաքականություն
29.11.2023 | 21:17
Նախիջևանի Ինքնավար Հանրապետության առանձին համազորային բանակում 2023 թվականի մարտական պատրաստության պլանի համաձայն՝ հրամանատարաշտաբային վարժանքներ են անցկացվել ցամաքում և սիմուլյացիոն կենտրոնում՝ ենթակա կազմավորումներով և ստորաբաժանումներով։ Այս մասին հայտնում է Ադրբեջանի ՊՆ-ն։
Նշվում է, որ կատարվել է օպերատիվ շտաբի կողմից ծրագրված տարածքի հետախուզություն, որոշվել են բարեկամ և հակառակորդի ստորաբաժանումների ծանրության կենտրոնները, ինչպես նաև տարբեր գործողությունների սցենարներ են նախապատրաստվել ցանկալի արդյունքի հասնելու համար: Պատրաստված սցենարները կիրառվել են պատերազմական խաղերի ժամանակ։
Զորավարժությունների ընթացքում հատուկ նշանակության ստորաբաժանումներն իրականացրել են տեսողական դիտարկում և օդային հետախուզություն, մոտակա խորքերում գնահատել մարտական դիրքերը և պայմանական հակառակորդի կարևոր օբյեկտները։ Տանկային և մեքենայացված ստորաբաժանումները կատարել են գրոհելու խնդիրը այն տարածքի վրա, որտեղ գտնվել է պայմանական հակառակորդը։ Հիմնական շեշտը դրվել է գերիշխող բարձունքների գրավման վրա, որտեղից տեսանելի են եղել պայմանական հակառակորդի ռեզերվների մատակարարման ուղիներն ու մոտեցման ուղղությունները։
Վարժանքների երկրորդ փուլում շտաբի կողմից ընդունված որոշումները մշակվել են սիմուլյացիոն կենտրոնում գտնվող համակարգիչների վրա՝ տեղում կայացված որոշումների իրագործելիությունն անձամբ ստուգելու նպատակով։
Հիշեցնենք, որ Նախիջևանում հրամանատարաշտաբային զորավարժություններ էին անցկացվել նաև նոյեմբերի 1-ին։
Էմմա Չոբանյան
