26.06.2026 | 12:10
ՌԴ-ն ամբողջությամբ արգելեց ՀՀ-ից ձկան ներմուծումը // Ալեն Սիմոնյանը շնորհավորել է Ռուբինյանին․ ԼՈՒՐԵՐ
Պեսկովն ասել է, որ Պուտինի ծրագրերում Փաշինյանի հետ հեռախոսազրույց չկա, սակայն ՀՀ վարչապետին սպասում են Պետերբուրգում
Քաղաքականություն
29.11.2023 | 14:27
ՌԴ նախագահ Վլադիմիր Պուտինը դեռևս չի նախատեսում հեռախոսազրույց ունենալ Հայաստանի վարչապետ Նիկոլ Փաշինյանի հետ, մինչդեռ ակնկալվում է, որ Փաշինյանը մասնակցելու է ԱՊՀ ավանդական ոչ պաշտոնական գագաթնաժողովին, որը կկայանա տարեվերջին Սանկտ Պետերբուրգում։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Ներկայում՝ ոչ», -ասել է Պեսկովը՝ պատասխանելով Պուտինի ծրագրերում նման հեռախոսազրույցի առկայության մասին հարցին։
Նա նաև հիշեցրել է, որ դեկտեմբերի վերջին Պետերբուրգում սպասվում են «ավանդական նախաամանորյա միջոցառումներ»։
«Բանն այն է, որ դրանք զուտ տոնական չեն լինելու, լինելու են աշխատանքային միջոցառումներ՝ աշխատանքային օրակարգով։ Այն դեպքում, եթե պարոն Փաշինյանը ժամանի, իսկ նրան սպասում են, ինչպես բոլորին, ապա հիանալի հնարավորություն կլինի խոսելու»,- ասել է Պեսկովը։
Էմմա Չոբանյան
