15.01.2026 | 18:32
Էդգար Սևիկյան․ Դեյան Ստանկովիչը լավ մարզիչ է, ունի հետաքրքիր մտքեր
Իրանի և Թուրքիայի ղեկավարները պայմանավորվել են Ռաիսիի Անկարա այցի ժամկետների շուրջ․ Աբդոլլահիան
Քաղաքականություն
29.11.2023 | 15:32
Իրանի նախագահ Իբրահիմ Ռաիսիի այցը Թուրքիա հետաձգվել է Գազայի հատվածում ստեղծված իրավիճակի վերաբերյալ ՄԱԿ-ի Անվտանգության խորհրդի (ԱԽ) նիստի պատճառով։ Այս մասին հայտարարել է Իրանի արտգործնախարար Հոսեյն Ամիր Աբդոլլահիանը, գրում է Mehr գործակալությունը։
«Նախագահ Ռաիսիի պաշտոնական այցն Անկարա նախատեսված էր, սակայն հետաձգվեց ՄԱԿ-ի Անվտանգության խորհրդի նիստի պատճառով, որը նվիրված է լինելու Գազայի հատվածում տիրող իրավիճակին, և որին հրավեր են ստացել Իրանի և Թուրքիայի արտգործնախարարները։ Հեռախոսազրույցի ընթացքում երկու երկրների նախագահները պայմանավորվել են, որ ծրագրված այցը կկայանա մի քանի օրից, և դրա ընթացքում կողմերը կքննարկեն Անվտանգության խորհրդի նիստի արդյունքները»,- ասել է Աբդոլլահիանը։
Երեքշաբթի ավելի վաղ Թուրքիայի նախագահի աշխատակազմի աղբյուրը հայտնել էր, որ նոյեմբերի 28-ին նախատեսված Իրանի նախագահ Իբրահիմ Ռաիսիի այցը Անկարա հետաձգվել է։
