23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
Թուրքիայի ԱԽ այսօրվա նիստում կքննարկվեն Հարավային Կովկասում զարգացումները
Քաղաքականություն
29.11.2023 | 13:11
Թուրքիայի նախագահ Ռեջեփ Թայիփ Էրդողանի գլխավորությամբ այսօր տեղի է ունենալու Ազգային անվտանգության խորհրդի այս տարվա վերջին նիստը, փոխանցում են թուրքական լրատվամիջոցները։
Նշվում է, որ հանդիպմանը գնահատվելու է Գազայում տիրող իրավիճակը, քննարկվելու են տարածաշրջանում խաղաղություն ապահովելու Թուրքիայի ջանքերը։ Կվերանայվի նաև Պաղեստին մարդասիրական օգնության անխափան ուղարկման գործընթացը։
Նիստի օրակարգում կլինեն նաև Հարավային Կովկասի զարգացումները։
«Գնահատվելու է «Զանգեզուրի միջանցքի» հետ կապված վերջին իրավիճակը, որը նախատեսում է կապել Ադրբեջանը և Թուրքիան»,- գրում են լրատվամիջոցները։
Բացի այդ, քննարկվելու են Թուրքիայի «հակահաբեկչական գործողությունները» երկրի ներսում և դրա սահմաններից դուրս։
Էմմա Չոբանյան
