07.10.2026 | 23:48
Արթուր Դանիելյանը կալանավորվեց
Վաշինգտոնը մտադիր է շարունակել Հայաստանի ու Ադրբեջանի միջև խաղաղության բանակցություններին աջակցությունը․ԵԱՀԿ-ում ԱՄՆ դեսպան
Քաղաքականություն
29.11.2023 | 12:13
ԵԱՀԿ-ում ԱՄՆ դեսպան Մայքլ Քարփենթերը երեկվա ճեպազրույցում հաստատել է Վաշինգտոնի մտադրությունը՝ շարունակելու աջակցել Ադրբեջանի և Հայաստանի միջև խաղաղ բանակցություններին։ Այս մասին հաղորդում է ադրբեջանական Turan գործակալության Վաշինգտոնի թղթակիցը։
«Միացյալ Նահանգները հետևողականորեն հայտարարել է, որ կցանկանար տեսնել Հայաստանի և Ադրբեջանի միջև հարաբերությունների կարգավորումը: Վերջին մեկ տարվա ընթացքում կազմակերպվել են մի շարք հանդիպումներ Հայաստանի և Ադրբեջանի ներկայացուցիչների միջև։ Պետքարտուղար Բլինքենն անձամբ է մասնակցել այդ ջանքերում՝ ուղղված խաղաղության համաձայնագրին, որը ճանապարհ կհարթի ողջ տարածաշրջանում հարաբերությունների կարգավորման, բաց հաղորդակցությունների և առևտրի համար, ինչը բխում է Հարավային Կովկասի տարածաշրջանի բոլոր երկրների շահերից: Կողմերը պետք է օգտվեն այս լավ միջնորդություններից՝ հարաբերությունները կարգավորելու պայմանավորվածության հասնելու համար»,-ասել է ԱՄՆ դեսպանը։
Դեսպան Քարփենթերը նաև նշել է, որ Վաշինգտոնը պաշտպանում է ԼՂ փախստականների անվտանգ և արժանապատիվ վերադարձի և կայուն վերաինտեգրման միջազգային սկզբունքը։
