15.01.2026 | 14:46
Բաքվում գտնվելու մասին ոչինչ չի պատմել, մենք էլ չենք հարցրել. Վագիֆ Խաչատրյանի դուստր
Նիդերլանդներում հանդիպել են ՀՀ-ի և Սաուդյան Արաբիայի դեսպանները
Քաղաքականություն
27.11.2023 | 17:32
Նիդերլանդներում ՀՀ դեսպան Վիկտոր Բիյագովը հանդիպել է Ամստերդամում Սաուդյան Արաբիայի դեսպանին։ Նրանք շնորհավորել են միմյանց երկու երկրների միջև դիվանագիտական հարաբերությունների հաստատման կապակցությամբ։
«Սաուդյան Արաբիայի դեսպան պարոն Զիադ Ալ-Աթիյայի հետ մենք չէինք կարող առիթը բաց թողնել՝ տոնելու և շնորհավորելու միմյանց մեր երկրների միջև դիվանագիտական հարաբերությունների հաստատման կապակցությամբ։ Իսկապես պատմական պահ»,- գրել Հայաատանի դեսպանը X-ում:
ՀՀ ԱԳՆ-ն ավելի վաղ հայտնել էր, որ Հայաստանի Հանրապետության և Սաուդյան Արաբիայի Թագավորության միջև նոյեմբերի 24-ին ստորագրվել է դիվանագիտական հարաբերություններ հաստատելու մասին արձանագրություն: Այն ստորագրվել է Աբու Դաբիում՝ ԱՄԷ-ում Հայաստանի Հանրապետության դեսպան Կարեն Գրիգորյանի և Սաուդյան Արաբիայի Թագավորության դեսպան Սուլթան բին Աբդալլահ Ալ-Լուայհան Ալ-Անկարի կողմից:
Էմմա Չոբանյան
