18.03.2026 | 20:05
Իրանի նախագահը հաստատել է հետախուզության նախարարի մահը
Վրաստանի պաշտպանության նախարարը ժամանել է Բաքու՝ մասնակցելու Ադրբեջանի և Թուրքիայի ՊՆ ղեկավարների հետ եռակողմ հանդիպմանը
Քաղաքականություն
27.11.2023 | 15:55
Վրաստանի պաշտպանության նախարար Ջուանշեր Բուրչուլաձեն այցով ժամանել է Բաքու՝ մասնակցելու Ադրբեջանի, Վրաստանի և Թուրքիայի պաշտպանության նախարարների 10-րդ եռակողմ հանդիպմանը, որը տեղի է ունենալու Բաքվում։ Այս մասին հայտնում է Ադրբեջանի Պաշտպանության նախարարությունը։
Նշենք, որ նախօրեին էլ Բաքու էր ժամանել Թուրքիայի ՊՆ ղեկավար Յաշար Գյուլերը։
Պաշտպանության նախարարները քննարկելու են երեք երկրների միջև ռազմական և պաշտպանական համագործակցության զարգացման հեռանկարները, համատեղ զորավարժություններին վերաբերող և այլ հարցեր։ Եռակողմ հանդիպումից առաջ նախատեսվում է անցկացնել Ադրբեջան-Վրաստան, Ադրբեջան-Թուրքիա և Վրաստան-Թուրքիա պաշտպանության նախարարների երկկողմ հանդիպումներ։
Հավելենք, որ եռակողմ ձևաչափով նման վերջին հանդիպումը տեղի է ունեցել այս տարվա փետրվարին, Կարս քաղաքում։
Էմմա Չոբանյան
