07.10.2026 | 12:28
Իսպանացի մրցավարը որակազրկվել է պատանեկան ԵԱ-ում հայ բռնցքամարտիկների մենամարտերում սխալ որոշումների համար
Թուրքիայի և Իրանի նախագահները հեռախոսազրույց են ունեցել
Քաղաքականություն
27.11.2023 | 13:51
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Էբրահիմ Ռաիսիի հետ։ Թուրքական կողմի հաղորդմամբ՝ զրույցը վերաբերել է «Գազայի վրա Իսրայելի անօրինական հարձակումներին, պաղեստինցիներին հումանիտար օգնության ջանքերին և այն քայլերին, որոնք կարող են ձեռնարկվել տարածաշրջանում մշտական հրադադարի հասնելու համար»։
Նշվում է, որ հեռախոսազրույցի ընթացքում Էրդողանը նշել է, որ «իսլամական աշխարհիը, մասնավորապես՝ Թուրքիան և Իրանը միասնական դիրքորոշում պետք է որդեգրեն պաղեստինյան հողերում Իսրայելի դաժանությունների դեմ»։ Նա նաև ասել է, որ Թուրքիան ու Իրանը կշարունակեն համագործակցությունը՝ ժամանակավոր հրադադարը մշտական դարձնելու և մշտական խաղաղության հասնելու համար։
Հեռախոսազրույցի ընթացքում երկու երկրների ղեկավարները նաև կարծիքներ են փոխանակել Թուրքիայում կայանալիք Թուրքիա-Իրան բարձր մակարդակի համագործակցության խորհրդի նախապատրաստական աշխատանքների և դրա օրակարգի վերաբերյալ։
Էմմա Չոբանյան
