25.11.2024 | 20:45
Ադրբեջանի թակարդն է ՀՀ-ի դեմ՝ «Արևմտյան Ադրբեջանի» թեզը հավասարեցնել Արևմտյան Հայաստանի հետ․ Արսեն Խառատյան. ՏԵՍԱՆՅՈՒԹ
Էրդողանը հայտարարել է, թե Թուրքիան «իր պատմության ընթացքում ցեղասպանության չի մասնակցել»
Քաղաքականություն
24.11.2023 | 18:36
Հոկտեմբերի դրությամբ՝ թուրքական արտահանումը վերջին 12 ամիսների ընթացքում հասել է 254,8 միլիարդ դոլարի։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Türkiye Innovation Week/Innova-League Champions Awards մրցանակաբաշխության ժամանակ ունեցած ելությում, փոխանցում է Թուրքիայի նախագահի աշխատակազմի հասարակայանության հետ կապերի տնօրինությունը։
«Թվերով արտահանման աճը, անկասկած, զգալի է, բայց այն, ինչի վրա մենք՝ որպես Թուրքիա, այսուհետ պետք է կենտրոնանանք, արտահանման որակի բարձրացումն է»,- ասել է Էրդողանը։
Նա նշել է, որ Անկարան ցանկանում է ռազմարդյունաբերության ոլորտում նոր ձեռքբերումներ գրանցել։
«Մենք ցանկանում ենք ընդլայնել մեր ձեռքբերումներն անօդաչու թռչող սարքերի և ԱԹՍ հրթիռների, նավերի, զրահատեխնիկայի, տեսախցիկների, հակաօդային պաշտպանության համակարգերի և էլեկտրոնային պատերազմի համակարգերի ոլորտում»,- ասել է նա։
Թուրքիայի նախագահն անդրադարձել է Իսրայելին՝ միաժամանակ հերթական անգամ ժխտելով Հայոց ցեղասպանության փաստը։
«Փառք Ալլահին, մենք երբեք մեր պատմության մեջ ոչ մի պահի մեր համաձայնությունը չենք տվել ճնշումներին: Մենք ցեղասպանության կամ շահագործման չենք մասնակցել, ինչպես նրանք, որոնք այսօր լուռ են մնում Իսրայելի դաժանության դեմ»,- հայտարարել է Էրդողանը։
Հիշեցնենք,որ Թուրքիայի նախագահը Իսրայել-ՀԱՄԱՍ պատերազմի ֆոնին՝ պարբերաբար սուր քննադատություններով ու մեղադրանքներով է հանդես գալիս Իսրայելի հասցեին։ Նա Իսրայելը նաև անվանել է «ահաբեկչական պետություն»։
Էմմա Չոբանյան
