21.06.2026 | 17:14
Իրանը ներկայացրել է իր ակնկալիքները ԱՄՆ-ի հետ Շվեյացարիայում կայանալիք բանակցություններից
Ալիևը Երևանին մեղադրել է «մի քանի տիրոջ ծառայելու» մեջ
Քաղաքականություն
24.11.2023 | 16:42
Ադրբեջանի նախագահ Իլհամ Ալիևը Բաքվում անցկացվող Կենտրոնական Ասիայի տնտեսությունների համար ՄԱԿ-ի հատուկ ծրագրի (SPECA) գագաթնաժողովում քննադատել է Հայաստանի իշխանությունների քաղաքականությունը։
«Աշխարհում քիչ չեն անհաջող, կախյալ երկրները, որոնք ցանկանում են միաժամանակ նստել երկու կամ ավելի աթոռների վրա, ծառայել մի քանի տիրոջ և իրենց վերածել ավելի մեծ պետությունների առճակատման ասպարեզի։ Դրանցից մեկը Ադրբեջանի հարևան Հայաստանն է»,-ասել է Ալիևը։
«Նման երկրները բառիս բուն իմաստով անկախ անվանել չի կարելի։ Նման երկրների քաղաքականությունը հիմնված չէ իրենց ժողովրդի կամքի վրա, նրանց ճակատագիրը դրսի հովանավորների ձեռքում է։ Իսկ SPECA-ի անդամ երկրներն իսկապես անկախ երկրներ են, քանի որ վարում են անկախ արտաքին և ներքին քաղաքականություն»,-պնդել է Ադրբեջանի նախագահը։
Ադրբեջանի նախագահը հերթական անգամ փորձել է արդարացնել Արցախում Բաքվի իրականացրած ռազմական ագրեսիան ու էթնիկ զտումը։
««Գորշ գոտուն» վերջ տալու համար այս տարվա սեպտեմբերի 19-20-ը մենք «հակաահաբեկչական» գործողություն իրականացրինք Ղարաբաղում։ Ընդամենը մեկ օրում վերականգնվեց Ադրբեջանի ինքնիշխանությունը նրա տարածքների նկատմամբ, և մենք վերջ դրեցինք «ագրեսիվ անջատողականությանը Ադրբեջանում»,- հայտարարել է Ալիևը։
