14.03.2026 | 18:02
Հրազդանի, Սևանի, Ապարանի, Արագածի, Աշոցքի տարածաշրջաններում ձյուն է տեղում
Մոսկվան ակնկալում է, որ Նիկոլ Փաշինյանը կմասնակցի Պետերբուրգում ԱՊՀ և ԵՏՄ նիստերին
Քաղաքականություն
23.11.2023 | 18:39
Մոսկվան ակնկալում է, որ Հայաստանի վարչապետ Նիկոլ Փաշինյանը կմասնակցի Սանկտ Պետերբուրգում ԱՊՀ երկրների ղեկավարների ոչ պաշտոնական հանդիպմանը և ԵՏՄ գագաթնաժողովին, մանավանդ, որ այդ կառույցներից երկրորդի նախագահությունն անցնում է Հայաստանին։ Այս մասին լրագրողների հետ զրույցում ասել է ՌԴ նախագահի օգնական Յուրի Ուշակովը, գրում է ՌԻԱ Նովոստին։
«Կարծում եմ, որ Հայաստանի ներկայացուցիչները կգան Սանկտ Պետերբուրգ, այնտեղ տեղի է ունենալու ԱՊՀ երկրների ղեկավարների ոչ պաշտոնական ավանդական հանդիպումը և ԵՏՄ պաշտոնական հանդիպումը: Ի դեպ, Հայաստանը մեզանից հետո նախագահ է դառնում այնտեղ։ Ուստի կարծում եմ, որ Փաշինյանը կգա էստաֆետը Վլադիմիր Պուտինից վերցնելու»,- ասել է Ուշակովը։
Հիշեցնենք, որ Հայաստանը չի մասնակցել Մինսկում ՀԱՊԿ այսօրվա գագաթնաժողովին և կազմակերպության շրջանակում այլ հանդիպումների։
Էմմա Չոբանյան
