30.05.2026 | 14:45
«Զվարթնոցում» ուղեբեռից հայտնաբերվել է 956 հազար եվրո․ 2 անձ ձերբակալվել է․ ՔԿ
ՀԱՊԿ գլխավոր քարտուղարը գագաթնաժողովից հետո կայցելի Երևան և կհանձնի ստորագրված փաստաթղթերը
Քաղաքականություն
23.11.2023 | 14:14
ՀԱՊԿ գլխավոր քարտուղար Իմանգալի Տասմագամբետովը Մինսկում կազմակերպության գագաթնաժողովից հետո կայցելի Երևան և հայկական կողմին կհանձնի Բելառուսի մայրաքաղաքում ստորագրված փաստաթղթերը, որպեսզի Հայաստանը ևս միանա դրանց։ Այս մասին հայտնել է Բելառուսի արտգործնախարար Սերգեյ Ալեյնիկը, փոխանցում է ՌԻԱ Նովոստին։
«Ես հեռախոսազրույց եմ ունեցել իմ հայ գործընկերոջ հետ, ի թիվս այլ հարցերի՝ քննարկել ենք այս հարցերը ևս, որոշումների կայացման մեխանիզմները, բոլոր որոշումները, որոնք այսօր կկայացվեն, միանգամայն լեգիտիմ են: Կազմակերպության կանոններին և ընթացակարգերին համապատասխան որոշումներն ընդունվում են բոլոր անդամ երկրների համաձայնությամբ: Մենք պայմանավորվեցինք, որ գագաթնաժողովից հետո ՀԱՊԿ գլխավոր քարտուղարը կայցելի Երևան»,- լրագրողներին ասել է Ալեյնիկը։
Նա հավելել է, որ բոլոր որոշումները, որոնք այսօր կքննարկվեն պետությունների ղեկավարների կողմից և վերջնական տեսքի կբերվեն Մինսկում համաձայնեցման հանձնաժողովի շրջանակում, կփոխանցվեն հայ գործընկերներին։
«Մենք հուսով ենք, որ նրանք կմիանան դրանց»,- հավելել է Բելառուսի ԱԳՆ ղեկավարը։
