15.09.2026 | 18:30
«Դաշնակցական բոլշևիզմ»-ից մինչև «ՀՀՇ-ի ծիլեր». գաղափարախոսական պարադոքս՝ ԱԺ-ում. ՏԵՍԱՆՅՈՒԹ
«Կորպորասիոն Ամերիկա»-ն կփոխհատուցի Երևանում հրեական սինագոգին պատճառած վնասները
23.11.2023 | 12:43
«Կորպորասիոն Ամերիկա հիմնադրամի» (Fruitful Foundation) խորհուրդը հայտարարել է, որ կփոխհատուցի Երևանում հրեական սինագոգի վերանորոգման համար անհրաժեշտ բոլոր ծախսերը, որը Հայաստանի հրեաների պաշտամունքի վայրն է․ այս մասին հաղորդագրություն է տարածել հիմնադրամը։
«Սինագոգն օրեր առաջ դաժանորեն ենթարկվել էր վանդալիզմի, ինչի արդյունքում շինությանը նկատելի վնաս է պատճառվել:
«Կորպորասիոն Ամերիկա հիմնադրամը» (Fruitful Foundation) խորը հիասթափություն ապրեց` իմանալով Երևանում գտնվող սինագոգի նկատմամբ կատարված վանդալիզմի մասին և նշում է, որ ցանկացած կրոնի կամ ազգության նկատմամբ կատարած բռնություն պետք է խստորեն դատապարտվի»,- ասված է հաղորդագրությունում։
Հիշեցնենք, որ մամուլում տեղեկություն էր տարածվել, որ Սինագոգը հրդեհած անձը Ռուսաստանի քաղաքացի է և դեպքից հետո լքել է Հայաստանը։
ՀՀ ԱԳՆ-ն անդրադարձել էր տեղի ունեցած միջադեպին՝ նշելով, որ ՀՀ-ն անթույլատրելի է համարում կրոնական ցանկացած կառույցի նկատմամբ ոտնձգությունը։ Իսկ ՄԻՊ Անահիտ Մանասյանն ասել էր, որ պաշտամունքի կառույցի նկատմամբ ցանկացած ոտնձգություն անընդունելի է և դատապարտելի։
